युक्रेनबाट चार नेपाली स्वदेश फिर्ता भएका छन्। भारत सरकारको सहयोगमा उनीहरू शनिबार नेपाल आइपुगेका प्रधानमन्त्री शेरबहादुर देउवाले ट्विटरमार्फत जानकारी दिएका छन्। रुस र युक्रेनबीच युद्ध सुरु भएपछि भारत सरकारले 'अपरेसन गंगा'मार्फत आफ्ना नागरिकलाई स्वदेश फिर्ता ल्याउने क्रममा उनीहरूलाई पनि ल्याएको हो।
प्रधानमन्त्री देउवाले नेपाली नागरिकको उद्धारमा सहयोग गरेकोमा भारत सरकार र भारतीय प्रधानमन्त्री नरेन्द्र मोदीलाई धन्यवाद ज्ञापन गरेका छन्। 'युक्रेनबाट भारत हुँदै चारजना नेपाली भर्खरै नेपाल आइपुगेका छन्। अपरेसन गंगामार्फत नेपाली नागरिकलाई स्वदेश फर्काउन सहयोग गरेकोमा प्रधानमन्त्री नरेन्द्र मोदी र भारत सरकारलाई धन्यवाद ज्ञापन गर्दछु,' देउवाले ट्विटरमा लेखेका छन्।
Four Nepali nationals have just arrived in Nepal from Ukraine via India.
— Sher Bahadur Deuba (@SherBDeuba) March 12, 2022
Thank you Prime Minister @narendramodi and the Government of India for the assistance in repatriating Nepali nationals through the #OperationGanga.
