- वि.सं २o८३ असोज १३ मंगलबार
लागुऔषध नियन्त्रण ब्युरोले ५८ ग्राम खैरो हेरोइनसहित दुईजनालाई पक्राउ गरेको छ। ब्युरोबाट खटिएको प्रहरी टोलीले सोमबार ललितपुर महानगरपालिका– ४ र ५ स्थितबाट उनीहरूलाई पक्राउ गरेको हो।
पक्राउ पर्नेमा झापाको हल्दीबारी गाउँपालिका– ५ का ४७ वर्षीय सुरज दाहाल र सिराहाको सखुवानान्कारकट्टी गाउँपालिका– ५ का २२ वर्षीय कालिन्द्रप्रसाद यादव रहेका छन्।
प्रहरीका अनुसार उनीहरूको साथबाट ५८ ग्राम खैरो हेरोइन, डिजिटल तराजु एक थान, नगद १० हजार रुपैयाँ र दुई थान मोबाइल बरामद भएको छ। पक्राउ परेका दुवैजनामाथि लागुऔषधसम्बन्धी थप अनुसन्धान भइरहेको ब्युरोले जनाएको छ।
