Skip This
उत्तरी सुमात्राको तपानुलीमा राजमार्गमा पहिरो खस्दा पुरिएर एकै परिवारका तीनजनाको मृत्यु भएको छ । १३ जना घाइते भएका छन् । पहिरोले झन्डै १२ घन्टासम्म राजमार्ग अवरुद्ध भएको छ ।
राष्ट्रिय प्रकोप व्यवस्थापन एजेन्सीले आइतबार जनाएअनुसार शनिबार साँझ ५ बजे तरुटुङ–सिबोल्गा राष्ट्रिय सडकमा ट्राफिक जामबीच सडकको छेउमा रहेको भिर अचानक खस्दा सो दुर्घटना भएको हो ।
एजेन्सीका प्रवक्ता अब्दुल मुहारीले दुर्घटनामा सातजना सामान्य घाइते भएको र अन्य ६ जनाको अवस्था गम्भीर रहेको जानकारी दिए । पहिरोले एउटा घर, पाँचवटा मिनीबस, एउटा लजिस्टिक ट्रक र केही मोटरसाइकलमा पनि क्षति पुर्याएको छ । (रासस/सिन्ह्वा)
