कञ्चनपुरको दोधाराचाँदनी नगरपालिकामा एक पुरुष आफ्नै ओछ्यानमा मृत फेला परेका छन्। दोधाराचाँदनी नगरपालिका– ५, सेराटोलका ५० वर्षीय लीलाराम सुनार घाँटी रेटिएको अवस्थामा आफ्नै ओछ्यानमा मृत फेला परेका हुन् । सोमबार बिहान सुनार बीभत्स अवस्थामा मृत भेटिएपछि हत्याको आशंका गरिएको छ ।
यति मात्रै नभई कुनै व्यक्ति समूहले सुनार सुतेकै अवस्थामा घाँटी रेटेर हत्या गरेकोसमेत दाबी गरिएको छ । प्रहरीले घटनास्थलबाट कुखुरीसमेत बरामद गरेपछि हत्या भएको पुष्टि भएको छ । यस्तै, गएराति भीमदत्त नगरपालिका– ९, जमुनाभाडीका ४५ वर्षीय गौरसिंह सार्की पनि मृत फेला परेका छन्।
आइतबार तोरी पेल्छु भन्दै घरबाट हिँडेका सार्की मृत फेला परेका हुन् । सुनार र सार्की घरपरिवारले आ–आफ्ना मृत फेला प्रकरणको छानबिन गरेर दोषीउपर कारबाहीको माग गरेका छन् । दुवै घटनाको छानबिन भइरहेको कञ्चनपुर प्रहरीले जनाएको छ । जिल्ला प्रहरी कार्यालय कञ्चनपुरका प्रहरी निरीक्षक वीरेन्द्र थापाले घटनाको अनुसन्धान भइरहेको बताए । ‘सुनार मृत फेलादेखि सार्की मृत फेला दुवै प्रकरणमा समेत अनुसन्धान भइरहेको छ,’ उनले भने, ‘शंकास्पद व्यक्ति समूहमाथि निगरानी भइरहेको छ ।’
