- सन् १९४८ : ‘वर्ल्ड जाइअनिस्ट अर्गनाइजेसन’का प्रमुख डेभिड बेन–गुरियनले प्यालेस्टाइनको एक हिस्सालाई बेलायतको शासनबाट स्वतन्त्र भएको र इजरायल राष्ट्र स्थापनाको घोषणा गरे । यस दिनलाई आज पनि इजरायलमा स्वतन्त्रता दिवसका रूपमा मनाइन्छ ।
- सन् १८७९ : ब्रिटिस शासकले फिजीमा काम गर्न लगिएका ४६३ जना भारतीय श्रमिक बोकेको जहाज ‘लियोनिडास’ सो देश पुग्यो । त्यसको ३७ वर्षमा उखु खेतीका लागि लगिएका भारतीय श्रमिकको संख्या साठी हजार पुगेको थियो । देशको उखु उद्योग र सांस्कृतिक परिदृश्यमा ठुलो प्रभाव पारेको भारतीयको आगमनको पहिलो दिन मे १४ लाई फिजीमा हरेक वर्ष राष्ट्रिय दिवसका रूपमा मनाइन्छ ।
- सन् १९३५ : फिलिपिन्समा भएको जनमत संग्रहले नयाँ संविधानलाई अनुमोदन गर्यो । संविधानमा अन्तरिम सरकार बनाएर देशलाई अमेरिकाको उपनिवेशबाट स्वतन्त्रता दिलाउने कुरा उल्लेख थियो ।
- सन् १९३९ : पेरुकी पाँच वर्ष सात महिना २१ दिनकी लिना मेदिनाले एक छोरालाई जन्म दिइन् । यो सबैभन्दा सानो उमेरमा गर्भाधान भएको प्रमाणित घटना हो ।
- सन् १९५५ : कम्युनिस्ट देशले नेटोको प्रतिद्वन्द्वी संस्थाका रूपमा ‘बार्सा प्याक्ट’ गठन गरे ।
- सन् १९७३ : अमेरिकाले देशको पहिलो अन्तरिक्ष केन्द्र ‘स्काइल्याब’ प्रक्षेपण गर्यो ।
- सन् १९९५ : दलाई लामाले ६ वर्षीय गेदुन चोइक्यी निमालाई ११औँ पन्चेन लामा (तिब्बती बौद्ध परम्परामा दोस्रो शीर्ष आध्यात्मिक नेता) घोषित गरे । तिब्बतमा शासन गरिरहेको चीनले घोषणालाई अमान्य घोषित गर्दै निमा र उनको परिवार त्यसवेलादेखि अज्ञात स्थानमा राखेका छ । चीनले ग्यानचेन नोर्बुलाई अलग पन्चेन लामा चयन गर्यो ।
See More On
