इरानविरुद्ध अमेरिका–इजरायली आक्रमण बढ्दै जाँदा अमेरिकी विदेश मन्त्रालयले सबै अमेरिकी नागरिकहरूलाई मध्यपूर्वका एक दर्जनभन्दा बढी देश तुरुन्तै छोड्न आग्रह गरेको छ । पछिल्लो चेतावनी सोमबार जारी गरिएको हो, जसमा बहराइन, इजिप्ट, इरान, इराक, इजरायल, नियन्त्रित पश्चिम किनार र गाजा, जोर्डन, कुवेत, लेबनान, ओमान, कतार, साउदी अरब, सिरिया, संयुक्त अरब इमिरेट्स र यमनमा लागू हुन्छ ।
सामाजिक सञ्जाल एक्समा पोस्ट गरिएको एक विज्ञप्तिमा, विदेश मन्त्रालयका कन्सुलर मामिलाका सहायक सचिव मोरा नामदारले ‘अमेरिकी नागरिकहरूले “गम्भीर सुरक्षा जोखिमका कारण’ सूचीबद्ध देशहरूबाट ‘टाढा’ रहन आग्रह गरेका छन् । जोर्डनको अम्मानस्थित अमेरिकी दूतावासले सोमबार नै कर्मचारीहरूले ‘धम्कीका कारण’ कूटनीतिकस्थल छाडेको जानकारी गराएको छ ।
शनिबार, अमेरिका र इजरायलले इरानमाथि आक्रमण सुरु गरेर देशका सर्वोच्च नेता अयातुल्लाह अली खामेनीसहित धेरै शीर्ष अधिकारीहरू मारिएपछि अहिले मध्यपूर्व तनावमा छ । बदलामा तेहरानले यस क्षेत्रभर रहेका अमेरिकी सम्पत्तिलाई निसाना बनाइरहेको छ । अमेरिकी राष्ट्रपति डोनाल्ड ट्रम्पले सोमबार नै द्वन्द्व चारदेखि पाँच हप्ता लम्बिन सक्ने अनुमान गरेका छन् । तथापि, यो युद्ध लामो समय लम्बिने विश्लेषकहरूले चिन्ता गरेका छन् ।
