- वि.सं २०७८ कार्तिक ४ बिहीबार
चीनको सिचुआन प्रान्तमा ५.४ रेक्टर स्केलको शक्तिशाली भूकम्प आएको छ। भूकम्पमा परी कम्तीमा तीनजनाको मृत्यु भएको र ६० जना घाइते भएका अन्तर्राष्ट्रिय सञ्चारमाध्यमले जनाएका छन्।
घाइतेहरूको स्थानीय अस्पतालहरूमा उपचार भइरहेको छ। उनीहरूमध्ये तीनजनाको अवस्था गम्भीर रहेको अधिकारीहरूले बताएका छन्।
भूकम्प प्रभावित क्षेत्रमा आठ सय ९० भन्दा बढी व्यावसायिक उद्धारकर्मीहरू परिचालन गरिएको र स्थानीय बासिन्दाहरू पनि खोजी तथा उद्धार कार्यमा खटिएको जनाइएको छ। थप चार हजार ६ सय उद्धारकर्ता तयारी अवस्थामा रहेका छन्।
