मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ बैशाख १० शुक्रबार
  • Friday, 23 April, 2021
रासस/एपी
२०७७ मङ्सिर २५ बिहीबार १४:१२:००
Read Time : > 1 मिनेट
विश्व

अमेरिकी निर्वाचनः सबै राज्यद्वारा मतपरिणाम प्रमाणित, राष्ट्रपति ट्रम्पद्वारा सर्वोच्चमा उजूरी 

Read Time : > 1 मिनेट
रासस/एपी
२०७७ मङ्सिर २५ बिहीबार १४:१२:००

अमेरिकाका सबै ५० राज्य एवं डिस्ट्रिक्ट अफ कोलम्बियाले हालै सम्पन्न राष्ट्रपति निर्वाचनको मतपरिणाम प्रमाणित गरेका छन् ।  अमेरिकी राष्ट्रपति चयनका लागि आवश्यक पर्ने इलेक्टोरल कलेजका सदस्यहरू पनि मतपरिणाम प्रमाणित गरेसँगै स्वतः मनोनयन भएका छन् । आगामी सोमबार अर्थात् १४ डिसेम्बरमा इलेक्टोरल कलेजले राष्ट्रपतिका उम्मेदवारलाई औपचारिक रुपमा निर्वाचित भएको घोषणा गर्नेछन् ।

पश्चिम भर्जिनिया राज्य राष्ट्रपतिको निर्वाचन परिणाम प्रमाणित गर्ने अन्तिम राज्य बनेको छ । यस राज्यबाट राष्ट्रपति डोनाल्ड ट्रम्पले पाँचवटा इलेक्टोरल मत प्राप्त गरेका छन् । 

राष्ट्रपति–निर्वाचित जो बाइडेनले ३०६ इलेक्टोरल मत प्राप्त गर्ने अनुमान गरिएको छ जबकी राष्ट्रपति ट्रम्पले २३२ इलेक्टोरल मत मात्र प्राप्त गर्नेछन् । राष्ट्रपति बन्नका लागि कूल ५३८ इलेक्टोरल मतमध्ये २७० मत आवश्यक पर्दछ । 

राष्ट्रपति ट्रम्पले निर्वाचनमा धाँधली भएको दाबी गरिरहे पनि राज्यहरूले चुनावी मतपरिणाम प्रमाणित गरी पठाएका छन् । निर्वाचन परिणामलाई चुनौती दिई गत नोभेम्बरको चुनावपछि राष्ट्रपति ट्रम्पका तर्फबाट दायर दर्जनौं मुद्दा राज्य र स्थानीय तहबाट खारेज भएका थिए । 

अमेरिकामा निर्वाचन परिणाम प्रमाणित गर्ने हरेक राज्यका आआफ्नै तरिका र प्रक्रिया छन् । इलेक्टोरल कलेज प्रक्रियाको अर्को प्रमुख कदम भनेको निर्वाचनको बैठक हो । यसवर्ष इलेक्टोरल कलेजको बैठक यही १४ डिसेम्बरमा बस्दैछ । यो बैठकले प्रदान गर्ने मतलाई अमेरिकी कंग्रेस समक्ष हस्तान्तरण गरिन्छ । आगामी ६ जनवरीमा बस्ने कंग्रेसको संयुक्त सत्रमा इलेक्टोरल मत गणना र प्रमाणीकरण गरिन्छ । 

यसैबीच, राष्ट्रपति ट्रम्पले चुनावमा धाँधली भएको आरोप लगाउँदै केही राज्यको मतपरिणाम बदर गर्न सर्वोच्च अदालतमा निवेदन दिएका छन् । 

राष्ट्रपति–निर्वाचित जो बाइडेन विजयीभएका चार वटा राज्यको मतगणनामा समावेश गरिएका लाखौं मतपत्र खारेज गर्न राष्ट्रपति ट्रम्पले सर्वोच्चमा निवेदन दिएको अमेरिकी संचार माध्यम सिएनएनले जनाएको छ । 

राष्ट्रपति ट्रम्पका तर्फबाट टेक्सास राज्यका महान्यायाधीवक्ता केन प्याक्सनले दिएको निवेदनमा जोर्जिया, मिचिगन, पेन्सिल्भेनिया र विस्कन्सिन राज्यका लाखौं मतपत्र बदर गर्न माग गरिएको छ । 

सर्वोच्चमा दिइएको निवेदनमा राष्ट्रपति ट्रम्पले हाम्रो मुलुक सन् १८६० को निर्वाचनयता सबैभन्दा गहिरो रुपमा विभाजित भएको बताएका छन् । निवेदनमा भनिएको छ, ‘विपरीत पक्षहरुबीच अति धेरै अविश्वास व्याप्त छ र केही राज्यका निर्वाचन अधिकारीहरुले आफूलाई राज्यका निर्वाचन कानुनमार्फत प्राप्त अधिकारको प्रयोग गर्न असफल भएका छन् ।’

टेक्सासका महान्यायाधीवक्ताले तर्क गरेझैं राष्ट्रपति ट्रम्पले चार राज्यले कोरोनाभाइरस महामारीलाई देखाएर चुनावलाई विश्वसनीय बनाउने सबै पक्षलाई बेवास्ता गर्दै आफूखुशी राज्यका कानुनको कार्यान्वयनलाई बेवास्ता वा निलम्बित गरेको बताएका छन् । 

राष्ट्रपति ट्रम्पले सन् २०२० को चुनावी परिणामलाई राज्यका संसदमार्फत पुनः समीक्षा गर्न माग गरेका छन् । उनले बाइडेन निर्वाचित भएका चार राज्यका इलेक्टोरल मत खारेज गरी नयाँ टोली पठाउनुपर्ने जिकिर समेत गरेका छन् । 

राष्ट्रपति ट्रम्पको नयाँ कदमको समर्थन गर्ने वा नगर्ने भन्ने विषयमा रिपब्लीकन पार्टीभित्रै विवाद उत्पन्न भएको छ । केही रिपब्लीकन सदस्यहरुले राष्ट्रपति ट्रम्पका तर्फबाट टेक्सास राज्यका महान्यायाधीवक्ताले सर्वोच्चमा मुद्दा दायर गर्नु अमेरिकी लोकतन्त्रमाथिकै धब्बा रहेको बताएका छन् ।