Skip This
एपिएफलाई मकवानपुर गोल्डकप
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ १७ बिहीबार
  • Thursday, 30 May, 2024
२o८१ जेठ १७ बिहीबार o७:३९:oo
Read Time : < 1 मिनेट
ad
ad
ad
ad
खेलकुद प्रिन्ट संस्करण

एपिएफलाई मकवानपुर गोल्डकप

Read Time : < 1 मिनेट
नयाँ पत्रिका
२o८१ जेठ १७ बिहीबार o७:३९:oo

एपिएफ क्लबले छैटौँ मकवानपुर गोल्डकप फुटबल प्रतियोगिताको उपाधि जितेको छ । हेटौँडाको गौरीटार रंगशालामा शनिबार भएको फाइनलमा एपिएफले न्युरोड टिम (एनआरटी)लाई सडनडेथमा पराजित गर्दै उपाधि हात पारेको हो । एपिएफले उपाधिसँगै १५ लाख र उपविजेता एनआरटीले १० लाख पाएका छन् । निर्धारित समयमा दुवै टोलीले गोलरहित बराबरी खेलेका थिए । त्यसपछिको टाइब्रेकरमा समेत एपिएफ र एनआरटीले तीन–तीनको बराबरी खेलेपछि निर्णय सडनडेथबाट भयो । 

एपिएफका विदेशी खेलाडी फोडे फोफनाले सडनडेथको दोस्रो पेनाल्टीमा गोल गर्दै एपिएफलाई मकवानपुर गोल्डकपमा नयाँ विजेता बनाए । सडनडेथमा दुवै टोलीबाट चारवटा प्रहार गरेका थिए । एपिएफका मणि लामा र फोफनाले गोल गरे । एनआरटीका मोहित गुरुङको प्रहारले मात्र गोल भएको थियो । एपिएफका गोलरक्षक रञ्जल श्रेष्ठले रनदीप पौडेलको प्रहार रोकेका थए । 

टाइब्रेकरमा एनआरटीका लागि जय गुरुङ, प्रिसो र विवेक गुरुङले गोल गरे । सरोज तामाङ र बुद्धिमान राईको प्रहार बाहिरिएको थियो । एपिएफका एनिसेट, कुलदीप कार्की र सुमन श्रेष्ठको प्रहारले गोल भएको थियो । दिपेश धिमाल र बुद्धिमान राईको प्रहार एपिएफका गोलरक्षक प्रिसोले रोकेका थिए ।एपिएफका स्ट्राइकर अनिष महर्जन प्रतियोगिताका सर्वोत्कृष्ट खेलाडी घोषित हुँदै पाँच लाख मूल्यबराबरको बुलेट बाइक प्राप्त गरेका छन् । 

ad
ad
ad
ad