नेपालका लागि टिभिएसको आधिकारिक वितरक कम्पनी जगदम्बा मोटर्सले दसैँ, तिहार तथा छठपर्वलाई मध्यनजर गर्दै ल्याएको ‘कायापलट’ नामको योजना छठपछि पनि केही दिन सञ्चालन हुने भएको छ । योजना बिहीबारसम्म सञ्चालन हुने भएको हो ।
कम्पनीले योजनामा योजना अवधिभित्रै टिभिएसका कुनै पनि दुईपांग्रे सवारीसाधनमा विभिन्न उपहार योजना राखेको जनाएको छ । जसअनुसार नकिन्दै एक लाख, किन्दा दश लाख प्रप्त गर्न र हरेक हप्ता एक खरिदकर्ताले सम्पूर्ण नगद फिर्ता पाउन सक्ने उल्लेख छ । यसका साथै हरेक दिन योजनाबारे सोधपुछ गर्ने एक भाग्यशाली विजेताले रियलमी सी३० स्मार्ट फोन र २५ प्रतिशत डाउन पेमेन्ट गरी मासिक चार हजार दुई सय ७७ रुपैयाँ इएमआईमा बाइक तथा स्कुटर पाउन सक्ने कम्पनीले जनाएको छ ।
यसका साथै बम्पर पुरस्कारमा ५० लाख नगद रहेको जनाइएको छ । कम्पनीले नेपालभर एक सय ४० भन्दा बढी डिलरमार्फत टिभिएसका दुईपांग्रे सवारीसाधन बिक्री तथा बिक्रीपछिको सेवा दिइरहेको जनाएको छ ।
