Skip This
प्रधानमन्त्री थ्री नेशन्स कपको उपाधि नेपाललाई
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७९ चैत १७ शुक्रबार
  • Tuesday, 18 June, 2024
प्रधानमन्त्री थ्री नेशन्स कपको उपाधिका साथ नेपाली राष्ट्रिय फुटबल टिमका सदस्य, अफिसियल, प्रधानमन्त्री प्रचण्डलगायत । तस्बिर : संजित परियार/नयाँ पत्रिका
२o७९ चैत १७ शुक्रबार १९:३३:oo
Read Time : < 1 मिनेट
ad
ad
ad
ad
खेलकुद डिजिटल संस्करण

प्रधानमन्त्री थ्री नेशन्स कपको उपाधि नेपाललाई

Read Time : < 1 मिनेट
नयाँ पत्रिका
२o७९ चैत १७ शुक्रबार १९:३३:oo

प्रधानमन्त्री थ्री नेशन्स कपको उपाधि नेपालले जितेको छ । दशरथ रंगशालामा भर्खरै सकिएको फाइनल खेलमा लाओसलाई २–१ गोलअन्तरले पराजित गर्दै आयोजक नेपालले प्रधानमन्त्री थ्री नेशन्स कपको उपाधि उचालेको हो । 

नेपाललाई उपाधि दिलाउन मनीष डाँगी र आयुष घलानले गोल गरे । मनीषले ८९औँ मिनेटमा आकर्षक फिनिसिङ गर्दै नेपाललाई जिततर्फ उन्मुख गराएका थिए । 

पहिलो हाफमा दुवै टिमले एक–एक गोल गरेका थिए । खेलको १७औं मिनेटमा लाओसले सुरुवाती गोल गर्दै अग्रता बनाएको थियो । त्यसको ७ मिनेटपछि आयुस घलानले एक गोल गर्दै नेपाललाई बराबरीमा पुर्याएका थिए ।

पहिलो हाफको तुलनामा नेपालले दोस्रो हाफमा उत्कृष्ट खेल प्रदर्शन गर्यो । 
दोस्रो हाफमा लाओसविरुद्ध लगातार आक्रमण बुनिरहेको नेपालका लागि  मनीषले गोल गर्नुअघि पनि निकै आक्रमक खेल प्रस्तु गरेका थिए । उनले दायाँ विङबाट आफ्नो पेशको प्रयोग गर्दै सुन्दर बलहरू क्रस गरेका थिए । 

नेपालले दोस्रो हाफमा एकपछि अर्को आक्रमण गरेको थियो । निशन खड्काले ६९औँ मिनेटमा प्रहार गरेको फ्रिकिक क्रसबारमा लागेर फर्किएको थियो । 

खेलको ५४औँ र ६१औँ मिनेटमा नेपालले गोलका दुई सुन्दर अवसर गुमाएको थियो । दुवै अवसरमा मनीषको क्रसलाई आयुष घलानले बललाई जाली चुमाउन सकेनन् । 

तीन राष्ट्र सम्मिलित प्रतियोगिताको पहलो खेलमा नेपालले लाओसलाई २–० ले पराजित गरेको थियो । दोस्रो खेलमा नेपालले भुटानसँग १–१ को बराबरी खेलेको थियो ।

ad
ad
ad
ad