- वि.सं २o७९ माघ १८ बुधबार
पछिल्लो समय लगातार घटेको सेयर बजार आज बुधबार सामान्य बढेको छ। सेयर बजार परिसूचक नेप्से आज चार दशमलव ९७ अंकले बढेर दुई हजार एक सय १६ दशमलव ६६ विन्दुमा पुगेको छ।
आज माइक्रो फाइनान्स र म्युचयल फन्डबाहेक अरू सबै समूहको सेयर सामान्य बढेको छ। दुई सय ६१ वटा कम्पनीका ५० लाख २४ हजार कित्ता सेयर किनबेच हुँदा एक अर्ब ७६ करोड ७० लाख रुपैयाँमा कारोबार भएका छन्। बजार बढे पनि कारोबार रकममा पनि निकै कमी आएको छ।
सबैभन्दा धेरै नेपाल बैंकको पाँच करोड ९३ लाख रुपैयाँको सेयर किनबेच भएको छ। आज सबैभन्दा धेरै आदर्श लघुवित्तको सेयर १० प्रतिशत र सिद्धार्थ इन्सुरेन्सको सेयर आठ प्रतिशतले बढेको छ।
