काठमाडौं । नेपाली कांग्रेसको १५औँ महाधिवेशनबाट खसआर्यतर्फ केन्द्रीय सहमहामन्त्रीमा मनोजमणि आचार्य निर्वाचित भएका छन्।आचार्यले दुई हजार ६४८ मत प्राप्त गर्दै निकटतम प्रतिस्पर्धी जगदीश्वर नरसिंह केसीलाई ४४९ मतको अन्तरले पराजित गरेका हुन्।
सहमहामन्त्री पदको अन्तिम मतपरिणामअनुसार केसीले दुई हजार १९९ मत प्राप्त गरेका छन्। त्यस्तै, अर्का उम्मेदवार दिनेश कोइरालाले एक हजार २४६ मत प्राप्त गर्दा शुभराम बस्नेतले ५३५ मत पाएका छन्।
खसआर्यतर्फको सहमहामन्त्री पदमा चारजना उम्मेदवार प्रतिस्पर्धामा थिए। मतपरिणामअनुसार आचार्यले दुई हजार ६४८ मतसहित पहिलो स्थान हासिल गर्दा केसी दुई हजार १९९ मतसहित दोस्रो स्थानमा रहे। कोइरालाले एक हजार २४६ मत र बस्नेतले ५३५ मत प्राप्त गरेका छन्।
आचार्य र केसीबिचको मतान्तर ४४९ रहेको छ। कांग्रेसको नयाँ केन्द्रीय कार्यसमिति चयनका लागि भएको निर्वाचनबाट आचार्य खसआर्यतर्फ सहमहामन्त्रीमा निर्वाचित भएका हुन्।
