भोटेकोशी बाढी : कुशको शव बनाएर अन्त्येष्टि गरिँदै [तस्बिरहरू]

यही भदौ १० गते भोटेकोशी हुँदै त्रिशूली नदीमा आएको बाढीका कारण रसुवा, नुवाकोट, धादिङलगायतका जिल्लामा धेरै धनजनको क्षति भएको छ। बाढीले परिवार मात्रै होइन पूरा बस्तीहरू नै बगाएको छ।

आठौँ दिनसम्म कुनै खबर नपाएपछि नुवाकोटका निराजन पौडेलले बुधबार कुशको शव बनाएर अन्त्येष्टि गरेका छन्। त्रिशूली बजारनजिकैको सोले बजार नै बगाएको बाढीले उनका परिवारका पाँच सदस्य निल्यो।

एक साता बितिसक्दा पनि बेपत्ता भएका बुवा, आमा, काका, काकी र बहिनीबारे कुनै खबर नपाएपछि उनले हिन्दू परम्पराअनुसार कुशलाई प्रतीकात्मक शव मानी अन्तिम संस्कार गर्दै काजकिरिया सुरु गरेका छन्।

हेर्नुस् तस्बिरहरू :