सिंहदरबारमा सुपथ मूल्य पसल [तस्बिरहरू]

सिंहदरबार परिसरमा एक महिना अघिदेखि सुपथ मूल्य पसल सञ्चालनमा छन्। खाद्य व्यवस्था तथा व्यापार कम्पनी लिमिटेडले गत साउन २८ गतेदेखि सुपथ मूल्य पसल सञ्चालन गरेको हो।

बिहान ९ बजेदेखि साँझ ६ बजेसम्म खुल्ने पसलबाट सिंहदरबार प्रवेश गर्ने सबैले सामान खरिद गर्न सक्छन्। विशेष गरी दाल तथा कर्णालीको मार्सी चामललगायतका स्थानीय उत्पादनप्रति ग्राहकको आकर्षण देखिएको छ।

पसलमा दैनिक २ लाख रुपैयाँभन्दा बढीको सामान बिक्री हुँदै आएको छ। बिक्री केन्द्र प्रमुख जयचन्द्र न्यौपानेका अनुसार हालसम्म ४२ लाख रुपैयाँभन्दा बढीको कारोबार भइसकेको छ।

हेर्नुस् तस्बिरहरू :