प्रतिनिधिसभा हल भएन तयार, जरिवाना लगाउने सभामुखको चेतावनी

१५ जेठमै बजेट भाषणका लागि तयार हुने प्रचार गरिएको संघीय संसद् भवनको निर्माणाधीन प्रतिनिधिसभा हल असार लाग्दा पनि तयार नभएपछि सभामुख डोलप्रसाद अर्यालले सोमबार निरीक्षण गरेका छन् । सभामुख अर्यालले अन्तिम समय तोक्न र नसकिए दैनिक करोड जरिवाना लगाउनुपर्ने चेतावनी दिएका छन् ।

‘तपाईंहरूले कुन दिन दिने हो, त्यो फिक्स गरौँ । नदिने हो भने हरेक दिन एक करोड जरिवाना गराउने भनेर निर्णय गरौँ । यस्तो पनि हुन्छ ?’ सभामुखले भने, ‘एकपटक सहरी विकासमन्त्री र सचिवलाई बोलाउँ अनि बसौँ । यो मजाक गरेजस्तो भयो नि,’ अर्यालले भने ।