बर्दिया राष्ट्रिय निकुञ्ज र मध्यवर्ती क्षेत्रमा १४ वटा पाटेबाघको मृत्यु भएको पाइएको छ। निकुञ्ज र मध्यवर्ती क्षेत्रमा ५ वर्षमा १४ वटा पाटेबाघको मृत्यु भएको पाइएको छ। सन् २०२२ मा गरिएको पाटेबाघ गणना अनुसार बर्दिया राष्ट्रिय निकुञ्जमा एक सय १५ वटा बाघ रहेको छ । पाटेबाघका लागि आवश्यक पर्ने उपयुक्त बासस्थान, आहारा र पानीको उचित व्यवस्थापन भएको हुँदा निकुञ्जभित्र बाघको संख्या राम्रै देखिन्छ।
उपयुक्त बासस्थान हुदाहुदै पनि निकुञ्जभित्र आर्थिक वर्षमा २०८१/०८२ मा ७ वटा बाघ, आर्थिक वर्षमा २०८०/०८१ मा २ वटा बाघ आर्थिक वर्षमा २०७९ /०८० मा १ बाघ र आर्थिक वर्षमा २०७८/०७९ मा बाघको मृत्यु भएको थिएन् भने आर्थिक वर्षमा २०७७/०७८ मा चारवटा बाघको मृत्यु भएको निकुञ्ज तथ्यांक रहेको छ ।
निकुञ्जका वरिष्ठ संरक्षण अधिकृत सरोजमणी पौडेलले प्राकृतिक रूपमा भाले बाघले आफ्नो क्षेत्र निर्धारण गरेर बस्ने र कहिलेकाहीँ दुईवटा भाले बाघको भेट हुँदा एक आपसमा जुधेर मर्ने गरेको बताए । उनले भने, ‘गत आर्थिक वर्षमा दुईवटा भाले पाटेबाघ जुधेर मरेको थिए । भने त्यस बाहेक उमेर पुगेर, र भाले बाघले अरूको बच्चा देखेमा मारिदिने गर्छ ।’
नेपालले बाघको संरक्षणमा गरेको योगदान विश्वभरको लागि समेत सिकाइ हो । निकुञ्ज घुम्न आउने मध्ये अंधिकाशको रोजाइ बाघ हेर्ने हो । यस पटक भएको बाघ गणना बाघको संख्या बढ्ने अनुमान गरिएको छ ।
