भाटभटेनी सुपरमार्केट्सका अध्यक्ष मीनबहादुर गुरुङले बाढीपीडितका लागि एक करोड ११ लाख ११ हजार १११ रुपैयाँ सहयोग गरेका छन् । उनले सोमबार प्रधानमन्त्री केपी ओलीलाई सो परिमाणको चेक हस्तान्तरण गरेका छन् । प्रधानमन्त्री ओलीले उक्त रकम प्राकृतिक विपत्ति उद्धार कोषमा प्रदान गरिएको जानकारी दिए ।
पछिल्लो अविरल वर्षामा हजारौँ नागरिक विस्थापित हुने अवस्था आएकाले सरकारी राहत कोषमा रकम जम्मा गर्न हस्तान्तरण गरिएको गुरुङले बताए । मुलुकलाई अप्ठेरो परेको बेला सहयोग गर्नु नागरिकको दायित्व भएको उनको भनाइ छ ।
गुरुङले यसअघि डा. भगवान कोइरालाको नेतृत्वमा रहेको बाल अस्पताल निर्माणका लागि ४१ करोड रुपैयाँ बराबरको सहयोग गरेका छन् । अघिल्लो वर्ष जाजरकोटमा गएको भूकम्पपछि उनीहरूको उद्धार र राहतका लागि गुरुङले एक करोड ११ लाख ११ हजार १११ रुपैयाँ सहयोग गरेका थिए ।
See More On
