धनुषामा एक युवकको घाँटी रेटेर हत्या गरिएको छ। जिल्लाको जनकनन्दनी गाउँपालिका– २ बस्ने १८ वर्षीय कैफ नदाफको हत्या गरी स्थानीय आँपको बगैँचामा फालिएको अवस्थामा शव भेटिएको छ।
नदाफलाई गएराति १० बजे उनकै केही साथीले काम छ भन्दै घरबाट बाहिर बोलाएर लगेका थिए। पछि उनीबीच मोबाइलमा भिडियो हेर्ने विषयमा विवाद हुँदा नदाफका दुईजना साथीले घाँटी रेटेर हत्या गरेको धनुषाका डिएसपी रञ्जन अवालेले जानकारी दिए।
छुराले घाँटी रेटेपछि गम्भीर घाइते नदाफलाई उपचारको क्रममा भारत लगिएपछ उपचारको क्रममा राति २ बजे मृत्यु भएको हो। शव घर ल्याएपछि परिवारले प्रहरीलाई खबर गरेका थिए।
डिएसपी अवालेका अनुसार हत्या अभियोगमा स्थानीय ३० वर्षीय सहमत नदाफ र २२ वर्षीय जाकिस नदाफलाई पक्राउ परेका छन्। घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ।
See More On
