गोधूलि साहित्य प्रतिष्ठानले विराटनगरनिवासी दुर्गादेवी नेपाललाई ‘गोधूलि पुरस्कार’ प्रदान गरेको छ । सोमबार राजधानीमा आयोजित एक कार्यक्रममा उनलाई ताम्रपत्रसहित १० हजार रुपैयाँ राशिको सो पुरस्कार प्रदान गरिएको हो ।
विद्यालयको ढोका नटेकेकी नेपालले नेपाली साहित्यको क्षेत्रलाई दुईवटा कृति प्रदान गरेकी छिन् । नेपालका ‘उनैको मायाँ’ कवितासंग्रह र ‘बगेको खोला’ आत्मकथा प्रकाशित भएका छन् । उनलाई गोधूलि साहित्य प्रतिस्ठानकी अध्यक्ष ललिता दोषी र प्राध्यापक डाक्टर उषा ठाकुरले पुरस्कार प्रदान गरे ।