- वि.सं २o७९ श्रावण ३१ मंगलबार
नेपाली कांग्रेसका सांसद देवेन्द्रराज कँडेलले राष्ट्रपतिबाट फिर्ता आएको नागरिकता विधेयक हुबहु संसदबाट पठाउनुपर्ने बताएका छन्। मंगलबार प्रनिनिधिसभाको बैठकपछि संसद् भवनबाहिर सञ्चारकर्मीहरूसँग कुरा गर्दै कँडेलले यस्तो बताएका हुन्।
उनले लाखौँ नागरिक नागरिकताविहीन भएकाले तत्काल नागरिकता विधेयक ल्याउन आवश्यक रहेको बताए। सांसद कँडेलले संसद्ले पुनः विधेयक प्रमाणीकरणको लागि पठाउँदा संसदमा फिर्ता पठाउने कानुनी व्यवस्था नभएको बताए। उनले दुवै सदनबाट नागरिकता विधेयक पास भएकाले फास्ट ट्रयाकबाट प्रक्रिया पूरा गरी प्रमाणीकरणको लागि त्यही विधेयक फिर्ता पठाएर कार्यान्वयन गराउने बताए।
