Read Time : < 1 मिनेट
२०७९ श्रावण २४ मंगलबार २१:४१:००
मलेसियामा पछिल्लो समयमा कोभिडका संक्रमित घटेका छैनन् । यहाँ गएको २४ घन्टायता मात्र कम्तीमा पनि दुई हजार ८६३ जनामा कोभिडको संक्रमण देखिएको छ ।
मलेसियाका स्वास्थ्य क्षेत्रका अधिकारीहरूले पछिल्लो सयममा यहाँ कोभिडका संक्रमितहरू बढ्दै गएको र अहिलेसम्म देशका ४७ लाखभन्दा बढीमा सो संक्रमण फैलिएको छ ।
यहाँ गएको २४ घन्टा यता मात्र छजना संक्रमितको कोभिडकै कारण ज्यान गएको छ । योसमेत गरी मलेसियामा कोभिडको संक्रमणबाट ज्यान जाने व्यक्तिको संख्या ३६ हजार ३२ जना पुगेको बताइएको छ ।
देशभर अहिले पनि ४३ हजारभन्दा बढी सक्रिय संक्रमित रहेका छन् । गम्भीर बिरामी भएका केहीको सघन उपचारकक्षमा उपचार भइरहेको छ ।