Read Time : < 1 मिनेट
२०७९ श्रावण २४ मंगलबार २०:२२:००
सप्तरीमा पोखरीमा डुबेर दुईवर्षीय एक बालकको मृत्यु भएको छ । मृत्यु हुनेमा झापाको घैलाडुबा घर भएका सञ्जय पण्डितका छोरा दीप छन् ।
उनी बाबुसँगै सप्तरी छिन्नमस्ता गाउँपालिका– ४ लालापट्टीस्थित हजुरबुबा देवनारायण पण्डितको घर आएका थिए ।
जिल्ला प्रहरी कार्यालय सप्तरीले गाउँको डिहबार थानको पूर्वतर्फ रहेको पोखरीनजिकै खेल्ने क्रममा चिप्लिएर पाेखरीमा खसेका बालकको मृत्यु भएको हो । पानीमा डुबेका बालकलाई तत्कालै गजेन्द्रनारायण सिंह अस्पताल राजविराज पुर्याइएको थियो । त्यहाँ पुर्याउनासाथ चिकित्सकले मृत घोषणा गरेको जिल्ला प्रहरी कार्यालय सप्तरीका सूचना अधिकारी डिएसपी माधवप्रसाद काफ्लेले जानकारी दिए ।