प्रधानमन्त्री तथा नेपाली कांग्रेसका सभापति शेरबहादुर देउवा र नेकपा (एकीकृत समाजवादी)का अध्यक्ष माधवकुमार नेपालबीच भेटवार्ता भएको छ । एकीकृत समाजवादीका महासचिव बेदुराम भुसालका अनुसार प्रधानमन्त्रीनिवास बालुवाटारमा भेटवार्ता भएको हो। 

भेटका क्रममा सहभागी महासचिव भुसालका अनुसार भेटमा समसामयिक विषयमा छलफल भएको थियो । ‘भेटमा सामान्य छलफल मात्रै भयो, बागमतीमा प्रदेश सरकार र अरू विषयमा भेटमा कुराकानी भएन, उनले नयाँ पत्रिकासँग भने ।

बागमतीमा प्रदेश सरकार परिवर्तनको चर्चा, जनता समाजवादी पार्टी (जसपा) मा देखिएको विवादबीच देउवा र नेपालबीचकाे भेटलाई अर्थपूर्ण रूपमा हेरिएको छ ।