निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ भदौ १ बुधबार
  • Wednesday, 17 August, 2022
२०७९ जेठ २२ आइतबार १३:३९:००
Read Time : < 1 मिनेट
समाचार डिजिटल संस्करण

भैरहवा बस दुर्घटना : मृतकमध्ये चारजनाको सनाखत

Read Time : < 1 मिनेट
२०७९ जेठ २२ आइतबार १३:३९:००

भैरहवा–परासी सडकखण्डअन्तर्गत रोहिणी पुलमा दुर्घटनामा मृत्यु भएका नौजनामध्ये चारजनाको सनाखत भएको छ। युनिभर्सल मेडिकल कलेजका तीन र भीम अस्पतालमा एक मृतकको सनाखत भएको हो।

मृत्यु हुनेहरूमध्ये बुटवलको योगीकुटीका ५६ वर्षीय विष्णु पौडेल, बुटवल– ११ कालिकानगरका कृष्णप्रसाद बस्याल, रौतहटका २० वर्षीय दिनेश दास र रूपन्देहीको ओमसतिया गाउँपालिका– ४  मटेरियाका राजेन्द्रप्रसाद पाण्डे रहेका प्रहरीले जनाएको छ।

दुर्घटनामा घाइते हुने २३ जनाको पनि नाम खुलेको छ। उनीहरूको अहिले मेडिकल कलेजमा उपचार भइरहेको जिल्ला प्रहरी कार्यालय रुपन्देहीका डिएसपी नवरत्न पौडेलले जानकारी दिए।

आइतबार बिहान करिब साढे ४ बजे बस रोहिणी पुलबाट खोलामा खसेको थियो। दुर्घटनामा पाँचजनाको मेडिकल कलेज भैरहवामा र चारजनाको भीम अस्पतालमा मृत्यु भएको थियो। जनकपुरबाट भैरहवातर्फ आउँदै गरेको लु.२ख ३८४१ नम्बरको ३३ जना सवार बस रोहिणी नदीमा खसेको हो।