नेकपा एमाले अध्यक्ष केपी ओलीले सहमति जुटाउन गरेको प्रारम्भिक प्रयास असफल भएको छ। ओलीले वरिष्ठ उपाध्यक्षका दाबेदार सुवास नेम्वाङलाई निर्वाचनपछि राष्ट्रपति र अष्टलक्ष्मी शाक्यलाई उपराष्ट्रपतिको प्रस्ताव गरेकोमा नेम्वाङले अस्वीकार गरेका छन्। स्रोतका अनुसार उनले वरिष्ठ उपाध्यक्षमा नै मनोनयनको अडान राखेका छन् भने शाक्यले अध्यक्ष ओलीको प्रस्तावमा मौन स्वीकृत जनाएकी छिन्।
नेम्वाङको अस्वीकारसँगै रावलले ओलीसमक्ष आफूजति मत आए पनि अध्यक्षमा नै उम्मेदवारी दिने पक्षमा रहेको जवाफ दिएका छन्। यससँगै सहमतिको प्रारम्भिक प्रयास असफल भएको छ भने सौराहामा ८ बजे सुरु हुने भनिएको बन्द सत्र सुरु गर्ने तयारी पनि लम्बिएको छ ।