मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ मङ्सिर १६ बिहीबार
  • Thursday, 02 December, 2021
नयाँ पत्रिका काठमाडौं
२०७८ कार्तिक ५ शुक्रबार १९:३४:००
Read Time : < 1 मिनेट
विश्व डिजिटल संस्करण

कोरोना महामारी : भारतमा एक अर्ब डोज खोप लगाइयो, विश्व स्वास्थ्य संगठनको प्रशंसा 

Read Time : < 1 मिनेट
नयाँ पत्रिका, काठमाडौं
२०७८ कार्तिक ५ शुक्रबार १९:३४:००

भारतले बिहीबारसम्म आफ्ना जनतालाई १ अर्ब डोज खोप लगाएकोमा विश्व स्वास्थ्य संगठनले प्रशंसा गरेको छ । संगठनका महानिर्देशक डा. टेड्रोस एड्हानोम गेहब्रेयससले भारतीय प्रधानमन्त्री नरेन्द्र मोदी, भारतका वैज्ञानिक, स्वास्थ्य कार्यकर्ता तथा जनतालाई बधाई दिएका छन् । 

भारतीय समाचार संस्था एएनआईले खोपकरणमा भारतको प्रयास कोरोनाबाट जनता बचाउने उपायको कोशेढुंगा भन्दै विश्व स्वास्थ्य संगठनले प्रशंसा गरेको समाचार लेखेको छ । ‘भारतले जोखिममा रहेका जनसंख्यालाई खोप लगाएर कोरोना महामारीबाट बचाउन उल्लेखनीय प्रयास गरेको छ, यो प्रयासको म सराहना गर्दछु,’ महानिर्देश्क टेड्रोसले भनेका छन् । कोबिन पोर्टलका अनुसार बिहीबार अपराह्नसम्म भारतले १ अर्ब डोज खोप लगाएको छ । गत जनवरीमा सुरु भएको खोपकरण सुरुमा स्वास्थ्य कार्यकर्ता हुँदै अहिले १८ वर्षमाथिका जनसंख्यालाई भारतले व्यापक मात्रामा लगाइरहेको समाचार संस्थाहरूले जनाएका छन् । 

फेब्रुअरीबाट भारतले प्रहरी, अर्धसैनिक बल, सेना, होम गार्ड, नगरपालिकाका कर्मचारी, जेलका कर्मचारी, राजस्व संकलकलगायत ठूलो जनसंख्यालाई खोप लगाउन सुरु गरेको थियो । गत मार्च १ बाट ६० वर्षमाथिका सबैलाई, अप्रिलबाट ४५ वर्षभन्दा माथि उमेर समूहकालाई तथा मेबाट १८ वर्षमाथिको जनसंख्यालाई भारत सरकारले खोप लगाउँदै आएको छ ।