मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ मङ्सिर १६ बिहीबार
  • Thursday, 02 December, 2021
२०७८ कार्तिक ३ बुधबार ११:४५:००
Read Time : < 1 मिनेट
समाचार डिजिटल संस्करण

बसिला प्रहार गरी पत्नी हत्याका आरोपित पक्राउ

Read Time : < 1 मिनेट
२०७८ कार्तिक ३ बुधबार ११:४५:००

श्रीमतीलाई बसिला प्रहार गरी हत्या गरेको आरोपमा सल्यानमा प्रहरीले एकजनालाई पक्राउ गरेको छ । जिल्लाको कुमाख गाउँपालिका– ५ तिमिलेनिवासी ४२ वर्षीया कली खड्काको हत्या गरेको आरोपमा उनका पति ४७ वर्षीय कविराम खड्कालाई प्रहरीले मंगलबार राति पक्राउ गरेको जनाएको छ ।

राति करिब सवा ११ बजे घरमा सुतिरहेकी पत्नीलाई बसिला प्रहार गरी हत्या गरेको आरोपमा आरोपितलाई गिरफ्तार गरेको जिल्ला प्रहरी कार्यालय सल्यानका इन्स्पेक्टर अर्जुन पौडेलले जानकारी दिए । आर्थिक अवस्था कमजोर भएका आरोपितले मदिरा सेवन गर्ने गरेको र पटकपटक पत्नीलाई कुटपिट गर्ने गरेको प्रारम्भिक अनुसन्धानबाट खुल्न आएको प्रहरीले जनाएको छ । मदिरा सेवन गरेपछि पैसा माग्ने र कुटपिट गर्ने भएका कारण त्यस्तो समयमा मृतक छिमेकीको घरमा आश्रय लिएर बस्ने गर्थिन् ।

घटना भएको दिन भने मदिरा सेवन नगरेको भन्दै घरमै सुतेको समयमा राति आरोपित घर पुगेपछि विवाद हुँदा पत्नीको हत्या गरेको बुझिएको छ । आरोपितलाई हिरासतमा राखेर थप अनुसन्धान भइरहेको र मृतकको पोस्टमार्टम कात्तिक ३ गते सल्यान अस्पतालमा गर्ने तयारी भएको प्रहरीले जनाएको छ ।