- वि.सं २o८१ बैशाख १७ सोमबार
यमनको मारिब शहरमा विद्रोही र सरकार समर्थक सेनाबीच जारी झडपको क्रममा कम्तीमा ६५ जनाको मृत्यु भएको छ। झडपमा २२ सरकारी समर्थक सेना र ४८ हुथी विद्रोही मारिएका यमनका एक सैन्य अधिकारीलाई उदृत गर्दै समाचार संस्था एएफपीले जनाएको छ।
४८ घण्टासम्म जारी रहेको झडपमा ५० सरकार समर्थक सेना घाइते भएका छन्।यो क्षेत्र यमनमा सबैभन्दा धेरै तेल पाइने मध्येको एक क्षेत्र हो। हुथि विद्रोहीले यस क्षेत्रमा पकड बनाएमा शान्ति वार्तामा आफ्ना मागहरु बलियो गरी राख्न उनीहरुलाई सहज हुने छ बताइएको छ।
यमनमा सन् २०१४ बाट हुथी विद्रोहीले सुरु गरेको गृहयुद्धका कारण हजारौंको ज्यान गइसकेको छ भने लाखौं विस्थापित छन्। गत फेब्रुअरीदेखि विद्रोहीहरुले सरकार नियन्त्रित मारिबमा आफ्नो पकड बनाउन गरेको हिंसात्मक प्रयासका कारण दुबै पक्षका सैयौंले ज्यान गुमाइसकेका छन्।
