निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १४ शनिबार
  • Saturday, 28 May, 2022
नयाँ पत्रिका काठमाडौं
२०७८ श्रावण २० बुधबार ११:०८:००
Read Time : < 1 मिनेट
समाचार प्रिन्ट संस्करण

स्वास्थ्य सेवा विभागको महानिर्देशकमा डा.बिच्छा

Read Time : < 1 मिनेट
नयाँ पत्रिका, काठमाडौं
२०७८ श्रावण २० बुधबार ११:०८:००

प्रधानमन्त्री शेरबहादुर देउवाले स्वास्थ्य सेवा विभागको महानिर्देशकमा डा.आरपी बिच्छालाई नियुक्त गरेका छन् । स्वास्थ्यमन्त्रीको जिम्मेवारीसमेत सम्हालेका देउवाले मंगलबार कान्ति अस्पतालका निर्देशक बिच्छालाई विभागको महानिर्देशक नियुक्त गरेका हुन् ।

तीन महिनापछि अवकाश पाउन लागेका बिच्छालाई महानिर्देशकको जिम्मेवारी दिइएको हो । नियमअनुसार अवकाश हुन एक वर्ष बाँकी हुँदा सरुवा गर्न मिल्दैन । तर, प्रधानमन्त्री देउवाले दिपेन्द्ररमण सिंहलाई हटाएर बिच्छालाई ल्याएका हुन् । महानिर्देशक सिंहलाई स्वास्थ्य मन्त्रालयमा तानिएको छ ।

उमेरहदका कारण बिच्छाले आगामी ६ कात्तिकमा अनिवार्य अवकाश पाउँदै छन् । छोटो समयका लागि स्वास्थ्य सेवा विभागको महानिर्देशक नियुक्ति भएपछि स्वास्थ्य मन्त्रालयका अधिकारीहरू आश्चर्यमा परेका छन् । विभागको महानिर्देशक १२औँ तहको कर्मचारी हुने व्यवस्था छ । बिच्छा ११औँ तहका चिकित्सक भए पनि उनलाई निमित्त महानिर्देशकमा नियुक्ति गरिएको हो ।

१७ साउनमा स्वास्थ्य मन्त्रालयका प्रमुख विशेषज्ञ (१२ तह) महेन्द्रप्रसाद श्रेष्ठले उमेरहदका कारण अवकाश पाएका छन् । त्यस्तै, अर्का प्रमुख विशेषज्ञ डा.रोशन पोखरेललाई सचिव बनाएपछि दुईजना प्रमुख विशेषज्ञको ठाउँ खाली छ । १२औँ तहमा बढुवा गर्नुको साटो तीन महिना मात्रै सेवा अवधि बाँकी भएको व्यक्तिलाई विभागको महानिर्देशक बनाउनु अनुपयुक्त भएको कर्मचारीहरूको भनाइ छ । 

यसैगरी, कोभिड युनिफाइड केन्द्रीय अस्पताल (वीर) का प्रशासकीय अधिकारी डा.जागेश्वर गौतमलाई प्रसूति गृहमा सरुवा गरिएको छ । उनको ठाउँमा डा.भूपेन्द्र बस्नेतलाई नियुक्त गरिएको छ ।