- वि.सं २o७८ असार २० आइतबार
नारायणगढ–मुग्लिन सडकखण्डमा पुनः पहिरो खस्दा सडक अवरुद्ध भएको छ । भरतपुर महानगरपालिका– २९ सेती दोभान भन्ने स्थानमा पहिरो खसेको हो । पहिराे खसेसँगै दुईतर्फी सडक अवरुद्ध भएको जिल्ला प्रहरी कार्यालय चितवनले जनाएको छ ।
अहिले पहिरो पन्छाउने कार्य भइरहेको छ । पानी परिरहेकाले पहिरो पन्छाउन केही समय लाग्ने कार्यालयले जनाएको छ ।
शुक्रबार राति खसेको पहिरो शनिबार बिहान ९ बजे पन्छाएसँगै अवरुद्ध सडक खुलेको थियो । बिहीबारदेखि यस सडकखण्डमा पटकपटक पहिरो खस्दा सडक अवरुद्ध हुँदै आएको छ ।
