विश्व
मोगादिसु विमानस्थलमा आक्रमण, ६ जनाको मृत्यु
Read Time : < 1 मिनेट
२o८१ बैशाख २५ मंगलबार १३:५८:oo
सोमालियाको राजधानी सहर मोगादिसुको विमानस्थलमा आत्मघाती हमला भएको छ । सो हमलामा परेर कम्तीमा पनि ६ जनाको ज्यान गएको छ । आत्मघाती हमलाकारीले गरेको हमलामा परी ती नागरिकको ज्यान गएको हो । आक्रमण विमानस्थलनजिकैको एक लोकप्रिय आइसक्रिम पसलनजिकै भएको थियो ।
आक्रमणमा परी अरू नागरिक पनि घाइते भएका छन् । यहाँका केही उच्च सुरक्षा अधिकारीलाई लक्ष्य गरेर आक्रमण गराइएको प्रहरीले जनाएको छ । सो आत्मघाती आक्रमण कसले र किन गराएको भन्नेबारे केही खुलेको छैन ।
सोमालिया सन् १९९० को दशकदेखि हिंसाको सिकार भएको छ । यहाँ हरेक महिनाजसो हिंसामा परेर कैयौँ नागरिकको ज्यान जाने गरेको छ ।