Read Time : < 1 मिनेट
२०७७ कार्तिक १२ बुधबार २१:१९:००
कैलालीमा ट्रकले ठक्कर दिँदा एक पैदलयात्रीको निधन भएको छ ।
धनगढीमा निर्माणाधीन मोहना-अत्तरिया ६ लेन सडकअन्तर्गत चटकपुरमा ना. ३ख ५५८५ नम्बरको ट्रकको ठक्करबाट धनगढी उपमहानगरपालिका-३ संगम टोलका ६६ वर्षका वीरसिंह विष्टको मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक प्रतीक विष्टले जानकारी दिए ।
बाटो काट्ने क्रममा ट्रकको ठक्करबाट गम्भीर घाइते भएका विष्टको धनगढीस्थित माया मेट्रो अस्पतालमा उपचारका क्रममा मृत्यु भएको प्रहरी नायव उपरीक्षक विष्टले बताए ।
प्रहरीका अनुसार ठक्कर दिने ट्रकका चालक फरार छन् । उनको खोजीकार्य भइरहेको छ ।