- वि.सं Invalid date format
मकवानपुरगढी गाउँपालिका– २ तल्लो छापस्थित कार्कीखोलाले एक युवकलाई बगाएर बेपत्ता बनाएको छ । शुक्रबार दिउँसो करिब ३ः३० बजे मकवानपुरगढी– ७, सुकौरा तल्लो छापस्थित पसलबाट घरतर्फ फर्कँदै गरेका २५ वर्षीय विनोद बम्जनलाई खोलाले बगाएको जिल्ला प्रहरी कार्यालय मकवानपुरले जनाएको छ ।
ह्युपाइप राखेर आवतजावत गर्ने क्रममा अचानक खोलामा पानीको बहाव बढ्दा उनलाई बगाएको प्रहरीले जनाएको छ । घटनाबारे साँझ ५ बजे जानकारी पाएलगत्तै इलाका प्रहरी कार्यालय मकवानपुरगढीबाट प्रहरी निरीक्षक वीरेन्द्र रायमाझीको कमान्डमा पाँचजना प्रहरीकाे टोली खटिएको प्रहरी प्रवक्ता डिएसपी श्यामु अर्यालले जानकारी दिए ।
टोलीले स्थानीयवासीको सहयोगमा खोजतलास कार्य सुरु गरेको प्रहरीले जनाएको छ । उक्त स्थान इलाका प्रहरी कार्यालय मकवानपुरगढीबाट करिब सात किलोमिटर उत्तरतर्फ पर्ने बताइएको छ।
2022-09-29-12-22-58.jpeg)
