- वि.सं २o८o चैत ५ सोमबार
नेविसंघले स्ववियु निर्वाचनको एकवर्षे प्रगति विवरण माग गरेको छ। अध्यक्ष दुजाङ शेर्पाले निर्वाचनमा नेविसंघबाट निर्वाचित स्ववियु सभापति र पदाधिकारीलाई परिपत्र गरी प्रगति विवरण माग गरेका हुन्।
परिपत्रमा १५ चैत्रभित्र स्ववियु समितिबाट भएका शैक्षिक, रचनात्मक तथा सबै खाले विवरण पेस गर्न भनिएको छ।
गत वर्ष ५ चैत्र र विभिन्न चरणमा सम्पन्न स्वतन्त्र विद्यार्थी युनियनको निर्वाचन भएको थियो। निर्वाचनमा तत्कालीन सत्तागठबन्धन दलका विद्यार्थी संगठनसँग गठबन्धन गरेर निर्वाचनमा गएको थियो। स्ववियुको निर्वाचनको नतिजाका आधारमा नेविसंघ पहिलो संगठन बनेको थियो।
