- वि.सं २o८१ बैशाख २२ शनिबार
पद्मश्री साहित्य पुरस्कार २०७९ को छनोटमा परेका पाँच पुस्तकको सूची सार्वजनिक गरिएको छ । आयोजक खेमलाल–हरिकला लामिछाने समाज कल्याण प्रतिष्ठानले सार्वजनिक गरेको उत्कृष्ट पाँच पुस्तकको सूचीमा सुबिन भट्टराईको ‘इजोरिया’, विवेक ओझाको ‘ऐँठन’, डा. देवीप्रसाद सुवेदीको ‘मनु’, प्रदीप रोदनको ‘मफलर’ र डा. नवराज केसीको ‘शून्यको मूल्य’ पुस्तक छन् ।
यसअघि प्रतिष्ठानले १८० पुस्तकमध्येबाट १५ वटा पुस्तक छानेर उत्कृष्ट विस्तारित सूची सार्वजनिक गरेको थियो । त्यसमध्ये ५ पुस्तक सर्टलिस्टमा परेका हुन् । यसैमध्येबाट एक पुस्तकले पद्मश्री पुरस्कार प्राप्त गर्नेछ । प्रतिष्ठानले ०६३ देखि पद्मश्री पुरस्कार प्रदान गर्दै आएको छ ।
