प्रोग्रेसिभ एजुकेसनल फोरमका तर्फबाट सिद्धार्थ हाई स्कुलमा आयोजित छन्द कविता वाचन प्रतियोगिताको छात्रातर्फ मोक्षदा स्कुलकी सोनिमा श्रेष्ठ प्रथम भएकी छिन् ।
प्रतियोगिता २१०औँ भानुजयन्तीको अवसरमा आयोजना गरिएको थियो । प्रतियोगितामा ज्ञानदीप शिक्षा सदनकी सिम्रन कोइराला, दुर्गाभवानी एकेडेमीकी दिवास्ना धमला र न्यु सनसाइनकी सजिना श्रेष्ठले क्रमशः द्वितीय, तृतीय र चतुर्थ स्थान प्राप्त गरे ।
त्यसैगरी, सोही प्रतियोगिताको छात्रतर्फ निमोनिकका शुभम भण्डारी, दुर्गा भवानीका समुद्र तामाङ, मोक्षदा स्कुलका पूर्वक क्षेत्री र ज्ञानदीपका स्वस्तिक ढकाल क्रमशः प्रथम, द्वितीय, तृतीय र चतुर्थ घोषित भए ।
विजयी प्रतियोगीलाई प्राज्ञ देवी नेपालले पुरस्कार प्रदान गरे । कार्यक्रममा प्राज्ञ देवी नेपाल, कवि देवु लुइँटेल र कवि गणेश खतिवडालाई अभिनन्दन गरिएको थियो । कार्यक्रम फोरमकी अध्यक्ष सीता भट्टराईको अध्यक्षतामा सम्पन्न भएको थियो ।
