- वि.सं २o८१ बैशाख २३ आइतबार
कंगोमा जारी द्वन्द्वका कारण विस्थापित हुने व्यक्तिको संख्या बढ्दै गएको देखिएको छ । कंगाेको पूर्वी भूभागमा पछिल्ला केही समययता जारी रहेको द्वन्द्वले यहाँका सर्वसाधारण नागरिक विस्थापित भएका छन् ।
राष्ट्रसंघको मानवीय सहायतासम्बन्धी एक निकायले दिएको जानकारीअनुसार कंगाेको पूर्वी क्षेत्रमा केही समययता हिंसा बढेको छ । त्यस हिंसामा परेर यहाँका २० हजार जनाभन्दा बढी व्यक्ति विस्थापित भएका छन् ।
यहाँ पछिल्लो समयमा एम २३ नामक एक हिंसात्मक समूहले विद्रोह गरिरहेको छ । सो समूहका विद्रोही र यहाँको सरकारी सेनाबीच दिनहुँजसो भिडन्त हुन थालेका छन् ।
यहाँको उत्तरी किभु प्रान्तमा सो विद्रोही समूह र यहाँको सेनाबीच भिडन्त जारी रहेको छ । सो भिडन्तमा परेर यहाँका २० हजारभन्दा बढी स्थानीय नागरिक विस्थापित हुन पुगेका कंगोमा रहेको राष्ट्रसंघीय कार्यालयले जनाएको छ ।
