Read Time : < 1 मिनेट
२o८१ जेठ ५ शनिबार o८:२५:oo
कञ्चनपुरस्थित दोदानदीमा डुबेर दुई किशोरको मृत्यु भएको छ । बेलौरी नगरपालिका– ४ शान्तिपुरका स्थानीय किशोर राजेन्द्र कुँवर र विजय कुँवरको मृत्यु भएको हो ।
जिल्ला प्रहरी कार्यालय कञ्चनपुरका प्रवक्ता उमेश जोशीले शनिबार दिउँसो पौडी खेल्न गएका चारजनामध्ये दुईको डुबेर मृत्यु भएको र बाँकी दुई घाइते भएको बताए । प्रवक्ता जोशीका अनुसार कुँवरद्वयको घटनास्थलमै मृत्यु भएको छ ।
यस्तै, सँगै गएका अर्का किशोर समीर सुवेदी, शिविर विष्टको श्रीपुर प्राथमिक स्वास्थ्य केन्द्रमा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।