- वि.सं २o८१ जेठ ५ शनिबार
मोक्षदा स्कुलले जयकुमार नाथ शाह स्मृति यू–१६ टी–२० अन्तरविद्यालय क्रिकेट प्रतियोगितामा लगातार दोस्रो जित निकालेको छ । शनिबार मूलपानी क्रिकेटको माथिल्लोमा मोक्षदाले लर्निङ इन्टरनेसनल स्कुललाई सात विकेटले पराजित गर्यो ।
जितसँगै समूह ‘डी’मा मोक्षदाले दुई खेलबाट चार अंक जोडेको छ । लगातार जितपछि मोक्षदाले अर्काे चरणको सम्भावना बलियो बनाएको छ । पराजित लर्निङको समान खेलबाट दुई अंक छ ।
सुरुवाती ब्याटिङ गर्दै लर्निङले १८.३ ओभरमा सबै विकेट गुमाएर ६८ रनको लक्ष्य प्रस्तुत गरेको थियो । मोक्षदाले १२.२ ओभरमा तीन विकेट गुमाउँदै जित निकालेको हो ।
