Skip This
Skip This
मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ७ शुक्रबार
  • Friday, 19 April, 2024
तस्बिर : अमुल थापा/नयाँ पत्रिका
नयाँ पत्रिका काठमाडौं
२०७९ पौष २५ सोमबार १४:४४:००
Read Time : < 1 मिनेट
समाचार डिजिटल संस्करण

जनतालाई हाम्रो बोलीमा विश्वास छैन, व्यवहार हेरिरहेका छन् : माधव नेपाल

Read Time : < 1 मिनेट
नयाँ पत्रिका, काठमाडौं
२०७९ पौष २५ सोमबार १४:४४:००

एकीकृत समाजवादी संसदीय दलका नेता माधवकुमार नेपालले जनताले परिवर्तनको अनुभूति गर्न सक्ने गरी काम गर्न सरकारलाई सुझाव दिएका छन् । 

प्रतिनिधिसभाको पहिलो बैठकलाई सम्बोधन गर्दै उनले जनजीविकाको सवाल, भ्रष्टाचार र दण्डहीनताको अन्त्य, अर्थतन्त्रको सुधारको पक्षमा सरकारले विशेष ध्यान दिनुपर्ने अवस्था रहेको बताए । 

‘अब जनताले हाम्रो बोली मात्र पत्याउँदैनन् । जनता व्यवहार हेरिरहेका छन्,’ उनले भने, ‘कार्यशैली परिवर्तन गरेर सरकारले चाँडो सेवा प्रत्याभूति गराउन सकोस् ।’ उनले मिटरब्याजीले विपन्नको जीवन नरक बनाइदिएको पनि बताए । 

जनताले राजनीतिक स्थायित्वको आशा र अपेक्षा गरेको भन्दै उनले भने, ‘छिनछिनमा सरकार परिवर्तन होस् भन्ने जनताले चाहेका छैनन् । त्यसैले विगतका अनुभवबाट शिक्षा लिएर सरकार अगाडि बढोस् ।’ 

प्रधानमन्त्रीमा नियुक्त भएकोमा प्रचण्डलाई शुभकामना दिँदै उनले प्रधानमन्त्रीले पनि संविधानको पालना गरेर हिँड्नुपर्दछ भन्ने हेक्का राख्न सुझाव दिए ।