१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ १३ आइतबार
  • Sunday, 26 May, 2024
नयाँ पत्रिका काठमाडौं
२o८१ जेठ १३ आइतबार o९:o६:oo
Read Time : < 1 मिनेट
ad
ad
समाचार प्रिन्ट संस्करण

पोर्चुगल लैजाने भन्दै रसियामा अलपत्र पार्ने दुई अभियुक्त जेल चलान 

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८१ जेठ १३ आइतबार o९:o६:oo

रसिया हुँदै युक्रेनमा मानव तस्कर गरेको अभियोगमा पक्राउ परेका दाङ लमहली नपा– ६ का ४७ वर्षीय दिनेशकुमार चौधरी र सिन्धुपाल्चोक चौतारा नपा– १० का २३ वर्षीय रुपेश ढकाललाई पुर्पक्षका लागि कारागार चलान गरिएको छ । 

जिल्ला अदालत काठमाडौंको आदेशपछि उनीहरूलाई सुन्धारा जगन्नाथ देवलस्थित केन्द्रीय कारागार पठाइएको हो । प्रहरीका अनुसार उनीहरूले युरोपियन मुलुक चेक रिपब्लिकमा सिपगार्डको काम लगाइदिने प्रलोभनमा पीडितसँग रकम उठाएका थिए । यसक्रममा पीडितलाई उनीहरूले भारतको नयाँ दिल्ली हुँदै पहाडगन्ज लगेर अलपत्र छाडेका थिए । 

त्यसपछि, विदेश नजाने मनस्थितिमा पीडित नेपाल फर्केका थिए । बुझाएको रकम माग गरेपछि उनीहरूले पीडितलाई पोर्चुगल जान दबाब दिएका थिए । यही क्रममा पीडितलाई उनीहरूले रसिया पुर्‍याएर अलपत्र पारेका थिए । रसियन प्रशासनले पक्राउ गर्दा पीडितले प्रयोग गरेको पासपोर्टसमेत नक्कली रहेको पाइएपछि नेपाल फर्काइदिएको थियो । प्रहरीका अनुसार पीडितलाई उनीहरूले जबर्जस्ती युक्रेन लैजान खोजेका थिए । रसियन प्रशासनले नेपाल फर्काइदिएपछि मात्रै उनीहरू असफल भएका थिए ।

नेपाल फर्केका पीडितले जाहेरी दिएपछि मानव बेचबिखन अनुसन्धान ब्युरोले चौधरी र ढकाललाई गत १५ र १६ मंसिरमा पक्राउ गरेको थियो । बुधबारको थुनछेक बहसपछि उनीहरूलाई अदालतले पुर्पक्षका लागि कारागार चालन गर्ने आदेश गरेको हो । 

ad
ad