Skip This
उदयपुरको क्षेत्र नम्बर १ मा प्रतिनिधिसभा सदस्यमा परराष्ट्रमन्त्री एवं नेपाली कांग्रेसका नेता डा. नारायण खड्का चौथोपटक विजयी भएका छन् ।
खड्काले ३१ हजार दुई सय ७० मत ल्याउँदा उनका निकटतम प्रतिस्पर्धी नेकपा एमालेकी मञ्जुकुमारी चौधरीले २८ हजार आठ सय ९१ मत प्राप्त गरिन् ।
यस क्षेत्रमा ७६ हजार सात सय ५६ मत खसेको थियो । मतपरिणामअनुसार राप्रपाका ध्रुवकुमार रायमाझीले तीन हजार नौ सय १५ मत ल्याउँदै तेस्रो स्थानमा रहे ।
यसैगरी राष्ट्रिय स्वतन्त्र पार्टीका उम्मेदवार उद्धव अधिकारीले तीन हजार चार सय ४४ मत ल्याएका छन् । यस क्षेत्रमा १६ जना उम्मेदवार प्रतिस्पर्धामा रहेका थिए ।
