- वि.सं २o८१ बैशाख २३ आइतबार
नेकपा माओवादी केन्द्रकी नेतृ ओनसरी घर्तीले काठमाडौं क्षेत्र नं २ मा विजयी राष्ट्रिय स्वतन्त्र पार्टीकी सोविता गौतमलाई बधाइ र शुभकामना दिएकी छन्। निर्वाचनमा जित–हार स्वभाविक प्रक्रिया भएको उल्लेख गर्दै उनले यसलाई स्वभाविक रुपमा लिएको प्रतिक्रिया दिएकी छिन्।
‘आवधिक निर्वाचनमा एकपटकको पराजयले मुलुक र जनताप्रतिको जिम्मेवारी र भूमिका समाप्त हॅुदैन र हुन पनि सक्दैन। आजको राजनीतिक र सामाजिक परिवर्तन ल्याउन तथा सभामुख र अन्य राजकीय जिम्मेवारीमा रहेर मुलुकका लागि मैले विगतमा निर्वाह गरेको भूमिका इतिहासमा सदैब लिपिबद्ध भइ नै रहने छ। आगामी दिनहरुमा पनि मेरो भूमिकामा कुनै कमी आउने छैन,’ घर्तीले उल्लेख गरेकी छिन्।
काठमाडौं २ आफ्नो कर्मथलो भइसकेको बताउँदै उनले यस क्षेत्रका मतदाताका सुखदुःखमा सधैं सँगै रहने प्रतिबद्धता गरेकी छिन्।
