सुनचाँदी बजारमा आज छापावाल सुनको मूल्य प्रतितोला एक हजार चार सयले ओरालो लागेर ९४ हजार ६ सय तोकिएकोे छ । पहेँलो धातु अघिल्लो दिन प्रतितोला ९६ हजारमा कारोबार भएको थियो ।
नेपाल सुनचाँदी व्यवसायी महासंघले सार्वजनिक गरेको विवरणअनुसार आज तेजाबी सुनको मूल्य प्रतितोला ९४ हजार एक सय छ । यसको मूल्य अघिल्लो दिन प्रतितोला ९५ हजार पाँच सय थियो ।
त्यस्तै, आज चाँदीको मूल्य अघिल्लो कारोबार मूल्यका तुलनामा प्रतितोला १० ले बढेर एक हजार एक सय ८५ तोकिएको महासंघले जनाएको छ । महासंघले अन्तर्राष्ट्रिय बजारमा हुने सुन तथा चाँदीको कारोबार मूल्यका तुलनामा दैनिक कारोबार मूल्य तोक्दै आएको छ ।
See More On
