कोरोना संक्रमणबाट थप १४ जनाको मृत्यु, १,१२८ नयाँ संक्रमित थपिए

पछिल्लो २४ घण्टामा कोरोना संक्रमणबाट थप १४ जनाले ज्यान गुमाएका छन्। सोही अवधिमा थप एक हजार १२८ जनामा कोरोना संक्रमण पुष्टि भएको छ। पिसिआर र एन्टिजेन गरी २० हजार ९८९ जनामा नमुना परीक्षण गर्दा सो संख्यामा नयाँ संक्रमित थपिएका स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार सोही अवधिमा २ हजार २१५ जना कोरोना संक्रमित निको भएका छन्। हाल नेपालमा सक्रिय संक्रमितको संख्या २७ हजार ४४१ जना रहेको छ भने शुक्रबार देशभर एक लाख ४५ हजार २६५ जनाले कोरोना भाइरसविरुद्धको खोप लगाएका छन्।