मेगा बैंक नेपाल लिमिटेडले भक्तपुर जिल्लाका महत्वपूर्ण स्थानहरूमा सिसिटिभी जडान गर्न आर्थिक सहयोग गरेको छ । बैंकले दुई लाख ५० हजार रुपैयाँ सहयोग गरेको हो ।
बैंककी सिइओ अनुपमा खुञ्जेलीले सहयोग रकमको चेक भक्तपुर जिल्ला सिसिटिभी जडान समितिका पदाधिकारीलाई हस्तान्तरण गरेको जनाइएको छ । उक्त अवसरमा सिसिटिभी जडान समितिका संयोजक प्रदीपकुमार श्रेष्ठ, कोषाध्यक्ष नवीन प्रजापति, सचिव पदमलाल शिलाकार र सदस्य सचिव प्रनाउ राजु पाण्डेको सहभागिता रहेको उल्लेख छ ।
भक्तपुर जिल्लाको अपराध अनुसन्धान र अपराध नियन्त्रणलाई प्रमाणमुखी तथा प्रभावकारी बनाउने उद्देश्यले सिसिटिभी खरिद तथा जडान गर्न संस्थागत सामाजिक उत्तरदायित्वअन्तर्गत आर्थिक सहयोग गरिएको सिइओ खुञ्जेलीले बताइन् ।
See More On
