हिमाली क्षेत्रमा हिमपातको सम्भावना

अरब सागरमा विकसित भइरहेको न्यूनचापीय प्रणालीको सामान्य असरले देशभर आंशिक बदली हुने मौसम पूर्वानुमान महाशाखाले जनाएको छ । उक्त मौसमी प्रणालीका कारण देशभर आंशिकदेखि सामान्य बदली रही प्रदेश १ र गण्डकी प्रदेशका केही स्थानमा हल्का हिमपातको सम्भावना रहेको महाशाखाको भनाइ छ । 

राजधानी काठमाडौं उपत्यकामा बिहानैदेखि घाम लागे पनि आकाश खुला भएकाले बढी चिसो महसुस गर्न थालिएको छ । महाशाखाका अनुसार मंगलबार देशको पहाडी भागमा आंशिकदेखि सामान्य बदली रही बाँकी भेगमा मौसम सामान्यतया सफा रहनेछ । प्रदेश १ र गण्डकी प्रदेशका हिमाली भेगका केही स्थानमा हल्का हिमपातको सम्भावना भने कायमै रहनेछ ।