नेपालमा कोरोना संक्रमणबाट एकै दिन दुई सय २५ को मृत्यु भएको छ । स्वास्थ्य तथा जनसंख्या मन्त्रालयले मंगलबार साँझ पछिल्लो विवरण सार्वजनिक गरेको हो । योसँगै देशभर मृत्यु हुनेको संख्या चार हजार ८४ पुगेको छ ।
मन्त्रालयका अनुसार पछिल्लो २४ घन्टामा नौ हजार चार सय ८३ जनामा कोरोना संक्रमण पुष्टि भएको छ । योसँगै देशभर संक्रमितको संख्या चार लाख १३ हजार एक सय ११ जना पुगेको छ ।
पछिल्लो २४ घन्टामा पाँच हजार दुई सय २५ जना कोरोनामुक्त भएका छन् । योसँगै संक्रमणमुक्त हुनेको संख्या तीन लाख १२ हजार १९ पुगेको छ ।
मन्त्रालयका अनुसार ९७ हजार आठजना आइसोलेसनमा र चार सय ४८ जना क्वारेन्टिनमा रहेका छन् ।
See More On
