२४ घन्टामा ५१३ संक्रमित निको हुँदा २५९ थपिए, पाँचको निधन

पछिल्लो २४ घन्टामा थप दुई सय ५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमण हुने संख्या दुई लाख ६४ हजार सात सय पुगेको छ ।

यस्तै पछिल्लो २४ घन्टामा पाँच सय १३ जना कोरोना संक्रमणबाट मुक्त भएको मन्त्रालयले जनाएको छ । योसँगै संक्रमण निको हुनेको संख्या दुई लाख ५८ हजार चार सय ४१ पुगेको छ । अहिले देशभरि सक्रिय संक्रमितको संख्या भने चार हजार चार सय ४२ छ ।

मन्त्रालयका अनुसार कोरोना संक्रमणबाट यो अवधिमा थप पाँचजनाको निधन भएको छ । हालसम्म कोरोना संक्रमणबाट निधन हुनेको संख्या १९ सय १७ पुगेको छ ।